ABŞ prezidenti Cozef Bayden Konqresdən Kiyevə əlavə hərbi yardım və Amerika silah ehtiyatlarının daha əvvəl Ukraynaya təhvil verilmiş ehtiyatlarının yerinin doldurulması üçün 24 milyard dollar ayırmağı xahiş edib.
Busaat.az xəbər verir ki, bu barədə “Politico” məlumat yayıb.
Konqresdəki mənbələrinin bildirdiyinə görə, ABŞ qanunvericiləri tələbi noyabrın 25-də alıblar. Vaşinqton administrasiyası Amerikanın əvvəllər Kiyevə göndərilmiş silah ehtiyatlarını artırmaq üçün 16 milyard dollar ayrılacağını gözləyir. Daha 8 milyard dolların Ukraynaya Təhlükəsizliyə Yardım Təşəbbüsü (USAI) xətti ilə ayrılması təklif edilir.
Qeyd olunub ki, xərclər federal idarələrin işinə vəsaitin ayrılmasını genişləndirmək üçün nəzərədə tutulan qanun layihəsinə daxil ediləcək.
