“ABŞ-ın artıq Türkiyənin Rusiyadan aldığı S-400 “Triumf” zenit-raket kompleksindən istifadə etməsinə heç bir etirazı yoxdur”.
Herbiand.az bildirir ki, bunu Türkiyənin milli müdafiə naziri Yaşar Gülər deyib.
“Amerika tərəfi ilə son görüşlərimiz zamanı biz onların S-400 kontekstində bizdən istədiklərini rədd etdik. Artıq amerikalıların bu barədə etirazları yoxdur. Biz S-400-ü istifadə edə biləcəyimiz bölgələri müəyyənləşdirmişik, hər şey hazırdır. Sadəcə olaraq bizim tərəfimizdən əmr lazımdır və sistemlər həmin bölgələrə göndəriləcək. Kompleks istifadə ediləndə təxminən 12 saat ərzində yerləşdiriləcək”.
Xatırladaq ki, 2019-cu ildə Türkiyə Rusiyadan S-400 sistemlərini aldığı üçün ABŞ-ın beşinci nəsil F-35 qırıcılarının istehsalı üzrə beynəlxalq proqramdan çıxarılmışdı. Amerika tərəfinin fikrincə, bu sistem Amerika təyyarələrinin bəzi imkanlarını üzə çıxarmağa kömək edə bilər və bununla da onların döyüş qabiliyyətinə mənfi təsir göstərə bilər.
Bəxtiyar CƏFƏRLİ
