İntensiv yağışlarla əlaqədar Quba rayonu, Alekseyevka kəndində bəzi ərazilər subasmaya məruz qalıb.
Oxu.Az-a Fövqəladə Hallar Nazirliyindən (FHN) verilən məlumata görə, dərhal FHN-in Dövlət Yanğından Mühafizə Xidməti Quba rayon Yanğından Mühafizə Hissəsinin qüvvələri əraziyə cəlb olunub.
"FHN-in qüvvələri tərəfindən su basmış yerlərdən suyun çəkilərək kənarlaşdırılması və digər zəruri təhlükəsizlik tədbirlərinin görülməsi təmin edilib".
Qubanın Alekseyevka kəndində küçədə kanalizasiya borusu zədələnib və nəticədə çirkab suları yaxınlıqdakı evlərin həyətlərinə dolub.
Bu barədə Bizim.Media-ya sakinlər məlumat veriblər.
Quba Rayon İcra Hakimiyyətinin başçısının Alekseyevka üzrə nümayəndəsi Mehman Mahmudov faktı təsdiqləyib.
O qeyd edib ki, hadisə güclü yağışlardan sonra baş verib.
Hazırda Fövqəladə Hallar Nazirliyinin Şimal regional mərkəzinin əməkdaşları həmin həyətlərdə təmizləmə işləri aparırlar.
