Kombi alarkən bunlara diqqət etmək vacibdir – MÜTƏXƏSSİS MƏSLƏHƏTİ 

Payız və qış aylarında vətəndaşların ən çox ehtiyac duyduğu avadanlıqlardan bir də kombidir. Sazlığı qaydasında olmayan və tez-tez xarab olan kombilər soyuq günlərdə insanlar üçün ciddi problemə çevrilə bilir.

Kombi alarkən, yaxud istifadə zamanı hansı amillərə diqqət etmək lazımdır? Seçimində hansı nüanslar önəmlidir?

Tələs, bitmədən sən də al. Fürsətlər tükənmədən tətbiqə gəl!

Mövzu ilə bağlı danışan isitmə və soyutma sistemlərinə xidmət üzrə mütəxəssis Rəsul Alahverdiyev bildirib ki, kombi alarkən onun setifikatına, markasına və ehtiyat hissələrinin satışda olub-olmamasına diqqət etmək çox vacibdir:

“Kombi alarkən vətəndaşların diqqət etməli olduğu əsas amillərdən biri onun keyfiyyət sertifikatının olması, brend marka olması, az təzyiqli qazla işləməsi və servisində ehtiyat hissələrinin olmasıdır. Ümumiyyətlə müştəri kombi almadan öncə, mütləq servisə gedib onunla maraqlanmalı, ehtiyat hissələrinə baxmalıdır. Ən əsası alacağı kombinin ustasının olub-olmadığını dəqiqləşdirməlidir. Yəni bir kombi seçərkən, daha sonra yaranacaq nasazlıqları aradan qaldırmaq üçün bunlar mütləqdir. Orijinal yüksək keyfiyyətli və brend kombilər, Azərbaycana Avropadan gəlir. kombinin az təzyiqli qazla işləyib-işləməməsinə də diqqət etmək lazımdır. Kombinin altında yerləşən seriyada nömrəsindəndə onun hansı ölkə istehsalı olması bilinir. Vətəndaş kombi almadan öncə həmin seriyanı internetdə yoxlasa, daha yaxşı olar”.

Mütəxəssis qeyd edib ki, kombinin sazlığını təmin etmək üçün onların illik texniki baxışını həyata keçirmək mütləqdir:

“Kombilər ərazinin iqlim şəraitinə görə seçilir və bu da mütləq şəkildə mühəndislərə həvalə edilir. Mühəndisə ya evin sahəsi verilir və yaxud da hesablamasında özü iştirak edir. Evin sahəsinə uyğun radiatorlar qoyulur. Radiatorların da keyfiyyət sertifikatına mütləq baxılmalıdır, çünki onun istilik paylaması keyfiyyətli deyilsə, düzgün istilik paylanması olmayacaq. Məsələn, müştəri əgər evin sahəsinə uyğun radiator seçsə belə, keyfiyyətsiz olduqda istiliyin paylanması ona bəs etməyəcək. Yaşadığı əraziyə görə ortaq dərəcə hesablanmalı, olan uyğun istilik paylanmasi seçilməlidir. Daha sonra kombinin montajı üçün daha təhlükəsiz yer seçilir və gələcəkdə baxımı üçün yerləşdirilməlidir. Kombini yağış düşən yerə, hamama və nəmli yerlərə qoymaq qəti qadağandır. Kombi təhlükəsiz yerə qoyulmalıdır ki, gələcəkdə təmirə ehtiyac olan zaman usta ona müdaxilə edə bilsin. Kombi qoyulduqdan sonra məsləhətdir ki, ona ildə 1 dəfə texniki baxış keçirilsin. Burada suyun codluq və qazın temiz olması əsas amillərdən biridir, əgər bunlar qaydasında deyilsə ildə mütəmadi olaraq baxış keçirlir. Əgər bunlar qaydasındadırsa, 2-3 ildən bir texniki baxış, 3-4 ildən bir isə sistem yuyulmalıdır. Sistem mühəndis hesablamasına görə çəkilməlidir”.// "Yeni Sabah"