...Sosial şəbəkələrdə bir milyondan çox izləyicisi olan Harris ailəsi mütəmadi olaraq bloqda balaca Daisinin səhhəti ilə bağlı məlumat paylaşırdı.
Valideynlər körpənin çoxsaylı tutmaları və hətta komanı təsvir edirdilər. Təbii ki, buna biganə qalmaq istəməyən abunəçilər onun müalicəsi üçün pul toplayıblar, amma...
...Sən demə, ana özü bir yaşlı qızı Daisinin ağır xəstə olduğunu göstərmək üçün qəsdən ona psixotrop dərmanlar verirmiş.
SİA-nın əldə etdiyi məlumata görə, bu barədə “Tribuna”yazıb.
Deməli, sosial şəbəkələrdə bir milyondan çox abunəçisi olan Harris ailəsi mütəmadi olaraq bloqda balaca Daisinin səhhəti ilə bağlı məlumat paylaşırdı ki, bu da az adamı laqeyd qoyub. Valideynlər körpənin bəziləri 100 saatdan çox davam edən çoxsaylı qıcolmalarını təsvir edirdilər və qıza beyin şişi diaqnozu qoyulduğunu,bunun üçün əməliyyat lazım olduğunu bildirdilər.
Abunəçilər uşağın müalicəsi üçün 13.000 funt sterlinqdən çox vəsait toplayıblar.
...Bununla belə, Allanın bloqunda baş verənləri izləyən həkimlər onun hekayələrində uyğunsuzluqlar olduğunu müşahidə ediblər. Bloggerin abunəçilərini aldatmasından şübhələnən həkimlər həyəcan təbili çalıblar və tezliklə polis Harrisin evinə gəlib.
...Və toksikoloji araşdırma, bir yaşlı qızın bədənində yüksək səviyyədə benzodiazepinlər, güclü sedativlər göstərib.
Bundan sonra, ailənin dörd uşağı ondan alınaraq dövlət nəzarətinə verilib. Hazırda balaca Daisi özünü sağlam körpə kimi hiss edir.
Allanın həyat yoldaşı Brok Harris açıq şəkildə həyat yoldaşından uzaqlaşaraq, işlərin əsl vəziyyəti haqqında heç bir fikri olmadığını və qızının müalicəsinə ehtiyac olduğuna səmimi şəkildə inandığını söyləyib.
Mütəxəssislər, Allanın davranışının Munchausen sindromu ilə əlaqəli ola biləcəyini, insanın başqalarının diqqətini cəlb etmək üçün qəsdən özündə və ya yaxınlarında xəstəlik əlamətləri yaratması ilə əlaqəli ola biləcəyini ehtimal edirlər.
...Yeri gəlmişkən, Omsk vilayətində ana səkkiz aylıq oğlunu döyərək şikəst edib.
Kuzbassda isə evdən qaçan oğlan anası və ögey atası tərəfindən işgəncələrə məruz qaldığını bildirib.
Nazlı Almuradova
