1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Milli Birlik Partiyasının parlament fraksiyasının lideri Marin Le Pen Fransa prezidenti Emmanuel Makronu respublikadakı siyasi böhranın əsas günahkarı adlandırıb.
Oxu.Az-ın verdiyi məlumata görə, bu barədə o, TF1 telekanalına müsahibəsində bildirib.
"Yaranmış vəziyyətə görə əsas məsuliyyəti o daşıyır. Həm parlamentin buraxılması, həm də hökumətə etimadsızlıq Makronun yeddiillik hakimiyyətinin nəticəsidir", - deyə Le Pen qeyd edib.
Onun sözlərinə görə, respublika prezidentinə təzyiq son dərəcə güclü olacaq. O, Makronun mümkün istefasının yalnız özünün qərarından asılı olduğunu vurğulayıb.
Bundan əvvəl bildirilmişdi ki, Makron bu axşam fransızlara müraciət etmək niyyətindədir.
Xatırladaq ki, Fransa Milli Məclisi çərşənbə günü 2025-ci il üçün dövlət büdcəsinin sosial bölmələrinin parlament xaricində qəbul edilməsinə görə Mişel Barnye kabinetinə etimadsızlıq qətnaməsi qəbul edib. 331 deputat lehinə səs verib. İndi baş nazir istefa verməlidir. Barnyenin hökuməti Beşinci Respublika tarixində ən qısamüddətli hökumət olub: cəmi 90 gün fəaliyyət göstərib.
