ABŞ-ın yeni seçilmiş prezidenti Donald Tramp deyib ki, o , Ukraynadakı münaqişənin sona çatmasına tam zəmanət verə bilməz.
Publika.az xəbər verir ki, bununla belə, siyasətçi hərbi əməliyyatlara son qoymaq üçün əlindən gələni edəcəyinə işarə edib. Onun sözlərinə görə, Kiyev yeni Amerika administrasiyasından Co Baydenin komandasının verdiyi həcmdə hərbi yardım gözləməməlidir .
“Yəqin ki, biz gözləməliyik ki, Ukrayna əvvəllər aldığı qədər yardım almayacaq”, - Amerikanın 47-ci prezidenti deyib.
Xatırladaq ki, Tramp seçkilərdən əvvəl bildirirdi ki, Ukrayna münaqişəsini bir günə həll edə bilər.
