ABŞ-nin Kaliforniya ştatında davam edən yanğın səbəbilə bölgədə yaşayan 20 mindən çox insan təxliyə edilib.
"Cebheinfo.az" xəbər verir ki, Sakit okean sahilində yerləşən Kaliforniya ştatının Malibu şəhərində güclü külək səbəbindən yanğın baş verib.
Yanğının 2800 hektardan çox əraziyə yayıldığını bildirən səlahiyyətlilər, 20 mindən çox sakinin təxliyəsi barədə göstəriş verib.
Milli Hava Xidməti, bölgədə təsirli olan Santa Ana küləyin sürətinin saatda 64 kilometrə çatdığını bildirdi.
Bölgədə təhlükəsizlik tədbirləri səbəbiylə 40 mindən çox insanın elektrik enerjisi kəsilib.
Bundan əlavə, Santa Ana adlanan güclü və quru küləklər səbəbindən digər bölgələrdə də yanğınların baş verə biləcəyi barədə xəbərdarlıq edilib.
Malibuda sürətlə yayılan alov səbəbindən dünən Pepperdine Universitetinin kampusundan tələbələr və işçilər təxliyə edilib.
