Gürcüstanın hazırkı prezidenti Salome Zurabişvili ölkədə yeni prezident seçkilərindən sonra deyib ki, “heç kim heç kimi seçməyib”.
“Heç kim heç kimi seçməyib. Heç nə olmadı. Mən işimi davam etdirirəm”, - Zurabişvili Tbilisidə prezident sarayının yaxınlığında etirazçılar qarşısında çıxış edərkən deyib. O, həmçinin nümayişçilərə göstərdikləri dəstəyə görə minnətdarlığını bildirib.
Dünən, dekabrın 14-də Gürcüstanda prezident seçkiləri keçirilib. Gürcüstan tarixində ilk dəfə olaraq dövlət başçısını 300 parlamentari və deputatdan ibarət seçki kollegiyası müəyyən edib. “Gürcü arzusu” partiyasının namizədi Mixail Kavelaşvili qalib gəlib. O, prezidentliyə yeganə namizəd idi. Gürcüstanın baş naziri İrakli Kobaxidze bildirib ki, Salome Zurabişvili istefa verməkdən imtina etməsinə baxmayaraq, prezident sarayını tərk etməli olacaq. Seçilmiş prezident Mixeil Kavelaşvilinin andiçmə mərasimi dekabrın 29-na təyin edilib.
Oxuməni.az
