Abşeron rayonu Masazır qəsəbəsində yol qəzası qeydə alınıb.
Avtosfer.az-ın məlumatına görə, hadisə dekabrın 15-də səhər saatlarında baş verib. Belə ki, hərəkətdə olan 99-ZO-109 dövlət nömrə nişanlı “Hyundai” markalı avtomobil qəzaya uğrayıb. İddialara görə, qəzaya səbəb yüksək sürət həddi olub. Nəticədə idarəetmədən çıxan maşın otluq sahəyə düşüb. Hadisə zamanı nəqliyyat vasitəsinə və ərazidəki ağaclara maddi ziyan dəyib. Xəsarət alan olmayıb.
Qeyd edək ki, hadisə yerinə DYP əməkdaşları cəlb olunub. Faktla bağlı araşdırma davam edir.
Nərmin
