1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Məşhur Hollivud aktrisası, 49 yaşlı Ancelina Coli tənhalıqdan şikayətlənib.
Oxu.Az-ın xəbərinə görə, bu barədə "The Sun" nəşri məlumat yayıb.
Mənbənin məlumatına əsasən, Coli Londonda görüntülənib və yeni filmində Mariya Kallas rolundan danışarkən çox vaxt tək olduğunu bildirib.
"Sevdiyim övladlarım var, amma bir böyük kimi, çox vaxt tək oluram. Mən onun (Mariya Kallasın) tənhalığı ilə özümü eyniləşdirirəm. Hələ tam anlamamışam ki, təkbaşına yaşamaq necə olur. Ola bilsin ki, bir çox rəssamlar hiss edirlər ki, biz bir şəxsiyyət kimi açıq bir fəzadayıq. Heç vaxt sakitləşmirik. Bu, bəzən bizi qəribə olmağa vadar edir", - deyə Coli qeyd edib.
Xatırladaq ki, 2016-cı ildə aktrisanın Bred Pittdən ayrıldığı məlum olub. 2019-cu ildə isə onlar rəsmi olaraq boşanıblar. Cütlüyün altı övladı var ki, onlardan üçü övladlığa götürülüb.
