Dekabrın 19-na keçən gecə Rostov vilayətinə 30-dan çox PUA və 3 raket hücumu olub.
Herbiand.az xəbər verir ki, bu barədə regionun qubernatoru vəzifəsini icra edən Yuri Slyusar “Telegram” kanalında yazıb.
Məlumatda bildirilir: “Hava hücumundan müdafiə qüvvələri Taqanroq, Bataysk, Rostov, Şaxtı, Kamensk, Millerovo və Novoşaxtinsk şəhərlərini qorumaq üçün yerləşdirilib”.
Slyusarın yazdığına görə, Novoşaxtinski neft məhsulları zavodunda yanğın baş verib.
"Təəssüf ki, pilotsuz təyyarənin parçaları düşdüyü üçün bir nəfər yaralanıb. Ona lazımi yardım göstərilib. Yerdəki digər fəsadlar barədə məlumat hələ də dəqiqləşdiriləcək".
