Ləğv prosesində olan Dövlət Sığorta Kommersiya Şirkətinə məxsus nəqliyyat vasitələri hərraca çıxarılacaq.
Teleqraf.com xəbər verir ki, hərrac 25 dekabr 2024-cü il tarixində saat 11:30-da keçiriləcək.
Nəqliyyat vasitələri 3-cü dəfə 25% endirimlə təkrar hərraca çıxarılır. Söhbət ümumi dəyərləri 50 min manata yaxın olan 3 nəqliyyat vasitəsindən gedir. Hərracda nəqliyyat vasitələrinin 10%-i qədər beh tələb edilir. Beh Dövlət Sığorta Kommersiya Şirkətinin hesabına köçürülməlidir. Sənədlər beh ödənişinin bankın hesabına hərracın başlanmasına ən geci 3 bank günü qalanadək daxil olduğu təqdirdə qəbul ediləcəkdir.
Müəllif: Teleqraf.com
