Yeni salınacaq yolun əhəmiyyətini nəqliyyat eksperti Eldəniz Cəfərov Demokrat.az-a açıqlayıb.
O söyləyib ki, yeni yolun inşası planı ötən ildən müzakirə olunur:
“Yeni yol Heydər Əliyev prospektinə gedən istiqamətdə alternativ təşkil edəcək. Prospekt istiqamətində müşahidə olunan sıxlığın aradan qaldırılmasına şərait yaradacaq. Əhməd Rəcəbli küçəsi ilə Ağa Nemətulla küçələrinin kəsişməsində və Keşlə bazarı kimi tanınan ərazidəki sıxlığı da azaldacaq. Bu yol vasitəsilə şəhər ətrafına səfərlər asanlaşacaq. Birbaşa magistral yol çəkiləcək və tunellər tikiləcək ki, məsafə qısalsın. Bu yolun çəkilməsi həm də qəza risklərini azaldacaq, belə ki, qəza ocaqlarından qurtulmaq mümkün olacaq”.
Törə Zeynallı
Demokrat.az
