1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Təhsil Tələbə Krediti Fondunun (TTKF) elektron portalına bu günə kimi 58 mindən çox müraciət daxil olub, 46 minə yaxın kredit müqaviləsi rəsmiləşib. Bu məqsədlə 41 milyon manata yaxın vəsait təhsil müəssisələrinin hesablarına köçürülüb".
Oxu.Az xəbər verir ki, bu fikirləri TTKF-nin 3 illik fəaliyyətinə dair keçirilən brifinqdə qurumun İdarə Heyətinin sədri vəzifəsini müvəqqəti icra edən Bəhruz Əzimov deyib.
O qeyd edib ki, 3 il ərzində tələbə və məzunlar üçün ödənişsiz təlimlər təşkil olunub:
"Həmçinin onların müxtəlif təhsil forumları, iş yarmarkaları, karyera sərgilərində iştirak etmələrinə dəstək göstərilib, bu xüsusda onlarla gəncin işlə təmin edilməsinə nail olmuşuq. Məzunların işlə təmin olunmasına dəstək göstərmək üçün dövlət və özəl qurumlarla əməkdaşlıq əlaqələri qurulub, 30-dan çox müəssisə ilə Anlaşma Memorandumları imzalanıb. Beləliklə, 1000-dən çox tələbə təlimlərə cəlb olunub, 600-dan çox tələbə və məzun təcrübə proqramlarından yararlanıb".
Məhərrəm Əliyev
