Bu gün AFFA İntizam Komitəsinin iclası keçirilib, Premyer Liqa, Birinci Liqa və İkinci Liqalarla bağlı müxtəlif qərarlar qəbul olunub.
Arena.az sizi həmin qərarların siyahısı ilə tanış edir:
Azərbaycan Premyer Liqası, 3-cü turdan təxirə salınmış oyun
“Şamaxı” – “Qarabağ” oyunu bitdikdən sonra meydançaya kənar şəxslər daxil olduğuna görə “Şamaxı” 800 manat cərimə edilib.
“Şamaxı” – “Qarabağ” oyununda “Qarabağ”ın azarkeşləri tərəfindən pirotexniki vasitədən istifadə edildiyinə görə Ağdam klubu 1500 manat cərimə edilib.
Birinci Liqa, 10-cu tur
MOİK – “Baku Sporting” oyununda “Baku Sporting” komandasında 4 nəfər sarı vərəqə aldığına görə sözügedən klub 70 manat cərimə edilib.
“Karvan” – “Mingəçevir” oyununun 46-cı dəqiqəsində “Mingəçevir”in futbolçusu Xəyal Xudaverdiyev rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun cəzalanıb. “Mingəçevir” komandası buna görə 100 manat cərimə ödəyəcək.
“Zaqatala” – “Cəbrayıl” oyunu “Cəbrayıl”ın qapıçısının formasında qüsur olması səbəbindən gec başladığına görə “Cəbrayıl” komandası 80 manat cərimə edilib.
“Qəbələ” – “Qaradağ Lökbatan” oyununda “Qaradağ Lökbatan”ın futbolçusu Xəyyam Hüseynov ikinci sarıdan qırmızı vərəqə aldığı üçün 1 oyun cəzalanıb. “Qaradağ Lökbatan” komandası buna görə 50 manat cərimə edilib.
“İmişli” – “Difai” oyunu bitdikdən sonra meydançaya kənar şəxslər daxil olduğuna görə “İmişli” klubu 80 manat cərimə edilib.
İkinci Liqa, 13-cü tur
“Şimal” – “Hypers Quba” oyununda “Şimal”ın futbolçusu Elmar Yəhyabəyov ciddi qayda pozuntusuna görə birbaşa qırmızı vərəqə aldığı üçün 2 oyun cəzalanıb, komandası 150 manat cərimə edilib.
“Dinamo” – “Ağdaş” oyununda “Ağdaş”ın futbolçusu Vasif Nəsirov ikinci sarıdan qırmızı vərəqə aldığı üçün 1 oyun cəzalanıb, komandası 50 manat cərimə edilib. “Dinamo” komandası matçın ilkin protokolunu elektron sistemdə gec təsdiq etdiyinə görə 100 manat cərimə edilib.
“Şəfa” – “Füzuli” oyununda “Şəfa”nın futbolçusu Tural Nərimanov ikinci sarıdan qırmızı vərəqə aldığı üçün 1 oyun cəzalanıb, komandası 50 manat cərimə edilib.
“Şəfa” – “Füzuli” oyununda “Füzuli” matçın ilkin protokolunu elektron sistemdə gec təsdiq etdiyinə görə 100 manat cərimə edilib.
“Saatlı-Araz” – “Şəki Siti” oyununda “Saatlı-Araz”nın 4 futbolçusu sarı vərəqə aldığına görə sözügedən klub 70 manat cərimə edilib.
“Qusar” – “Şahdağ Qusar” oyunu “Qusar”ın matça gəlməməsi səbəbindən baş tutmayıb. Buna görə “Qusar”a 0:3 hesablı texniki məğlubiyyət verilib. “Qusar” 300 manat cərimə də ödəyəcək.
