Gələn il ehtiyac meyarının həddi 270 manat olacaq.
Bu, Prezident İlham Əliyevin imzaladığı “Azərbaycan Respublikasında 2024-cü il üçün ehtiyac meyarının həddi haqqında” qanunda əksini tapıb.
Həmçinin Prezidentin imzaladığı “Azərbaycan Respublikasında 2024-cü il üçün yaşayış minimumu haqqında” qanunda bildirilir ki, 2024-cü il üçün yaşayış minimumu ölkə üzrə 270 manat, əmək qabiliyyətli əhali üçün 287 manat, pensiyaçılar üçün 222 manat, uşaqlar üçün 235 manat məbləğində müəyyən edilib.
Qeyd edək ki, 2023-cü ildə yaşayış minimumu və ehtiyac meyarı 246 manat olub.
