"Şamaxı" mövsümün ikinci yarısının hazırlıqlarına yanvarın 10-da Şamaxıda start verəcək.
Offsideplus.az xəbər verir ki, "şirlər" toplanış zamanı 2 yoxlama görüşü keçirəcək. Ramiz Məmmədovun komandasının ilk sınağı "Araz Saatlı"ya qarşı olacaq. Qarşılaşma yanvarın 14-ü saat 14:00-da Saatlı Olimpiya İdman Kompleksində baş tutacaq.
Komanda ikinci sınağında II Liqa təmsilçisi “Füzuli” ilə qarşılaşacaq. Qarşılaşma yanvarın 21-i saat 14:00-da Şamaxı şəhər stadionunda keçiriləcək.
