Rusiyada internet buna görə çöküb – NAZİRLİK AÇIQLADI

Xəbər verdiyimiz kimi, Rusiyanın əksər iri maliyyə, bank, mobil rabitə, media şirkətlərinin internet resurslarına girişdə problem yaşanır.

Tribunainfo.az xəbər verir ki, Rusiyanın Rəqəmsal İnkişaf Nazirliyi bununla bağlı bəyanat yayıb. Bəyanatda qeyd olunur ki, internetin kəsilməsi texniki problemdən qaynaqlanır və aradan qaldırılması üçün mütəxəssislər çalışırlar.
Nazirliyin bəyanatının tam mətnini təqdim edirik:

“”Qlobal DNSSEC” infrastrukturu ilə əlaqəli RU zonasına təsir edən texniki problem yaranıb. İnternet Texniki Mərkəzinin və MSK-IX-in mütəxəssisləri bunun aradan qaldırılması üzərində işləyirlər.

Artıq milli domen adları sisteminin abunəçiləri üçün problem həll olunub. Bərpa işləri aparılır. Vəziyyətlə bağlı sizi xəbərdar edəcəyik”.