Prezident icra başçısını vəzifədən azad etdi

Beyləqan Rayon İcra Hakimiyyətinin başçısı vəzifəsindən azad olunub.

Faktmedia xəbər verir ki, bununla bağlı Prezident İlham Əliyev Sərəncam imzalayıb.

Sərəncama əsasən, Asif Əzizağa oğlu Ağayev Beyləqan Rayon İcra Hakimiyyətinin başçısı vəzifəsindən azad edilib.

Xatırladaq ki, Asif Ağayev 2013-2018 -ci illərdə Şamaxı Rayon İcra Hakimiyyətinin başçısı vəzifəsini tutub. 2018-ci ildən bu günədək isə Beyləqan Rayon İcra Hakimiyyətinin başçısı idi.