“Enerji içkilərinin ən zərərli tərkib hissəsi çoxlarının düşündüyü kimi kofein və taurin deyil, şəkərdir”.
Yeniavaz.com xəbər verir ki, endokrinoloq Zuxra Pavlova bu barədə teleqram kanalında bildirib.
Pavlova enerji içkilərinin orqanizmə zərərli təsirində taurinin az rol oynadığını qeyd edib:
“Əsas pislik şəkərdir. Enerji içkilərində şəkər həddindən artıq çoxdur, bu da çəkinin artmasına səbəb olur. Yağ toxumasının böyüməsi isə xərçəngə tutulma riskini artırır. Kilolu insanlarda, mikrobiomun balansı dəyişir, üstünlük təşkil etməyə başlayan bakteriyalar, taurini aktiv şəkildə istifadə edə bilər, bu da yoğun bağırsağın xərçənginin inkişaf riskini artırır”.
Pavlova vurğulayıb ki, bu prosesi tətikləyən taurin deyil, artıq çəkidir. Bununla belə, o, insanları enerji içkilərindən imtina etməyə çağırıb. Tez oyanmaq üçün həkim süd və şəkərsiz bir fincan qəhvə içməyi və ya məşqlər etməyi məsləhət görüb.
