Ülviyyə ilə Murad ayrıldı

Bir neçə il əvvəl ailə quran aktyorlar Murad İsmayıl və Ülviyyə Xəlilbəyova ayrılıblar. SİA xəbər verir ki, bu barədə Ülviyyə özü sosial şəbəkədə bildirib. O Muraddan ayrılmağı ilə bağlı status paylaşıb: "Mən və həyat yoldaşım heç bir zaman ailəmizlə gündəmdə qalmaq istəməmişik. Müəyyən səbəblər üzündən istəməsək də, belə alındı. 6 il ərzində bu ailəni qorumaq, uşaqlarımız üçün çox çabaladıq. Amma bəzən olmur. Hər iki tərəfin razılığı və qərarı ilə övladlarımızın sağlam psixologiyası üçün münasibətimizi sonlandırdıq. Qərarımıza hörmətlə yanaşan hər kəsə təşəkkürlər”. Xatırladaq ki, cütlüyün iki azyaşlı oğlu var