Braziliya prezidenti Lula da Silva sosial media platforması “X” şirkətinin sahibi İlon Maskın fikirlərinə reaksiya verib.
Publika.az xəbər verir ki, o bu barədə “CNN Brazil” televiziyasına açıqlamasında danışıb.
Prezident Braziliya məhkəmə sisteminin “X”-ə girişi qadağan edərək əhəmiyyətli bir mesaj verdiyini iddia edib: "Dünya, Mask zəngin olduğu üçün onun ifrat sağçı baxışlarına dözmək məcburiyyətində deyil".
Braziliyada Ali Məhkəmə keçmiş prezident Jair Bolsonaroya qarşı çevriliş cəhdi istintaqı çərçivəsində “X”-dən bəzi insanlar haqqında məlumat verməsini və bəzi hesabları bloklamasını tələb edib. Tələb rədd edildikdən sonra məhkəmə “X”-ə ölkədə qanuni nümayəndə təyin etmək üçün 24 saat vaxt verib.
Lakin şirkət ayrılan vaxt ərzində bunu etmədiyi üçün Ali Məhkəmə “X”-ə giriş qadağası qoyulduğunu elan edib.
