“İlin komandası” adına namizəd olan futbol klubları açıqlandı

Məşhur “France Football” jurnalı ənənəvi olaraq, ilin ən yaxşı kişi futbol komandası adına namizəd klubları açıqlayıb.

Arena.az “France Football” nəşrinin seçimi əsasında 2024-cü ilin ən yaxşı kişi futbol komandası adına namizəd klubların siyahısını təqdim edir:

“Mançester Siti”
“Real”
“Bayer”
“Jirona”
“Borussiya” (Dortmund).

Mükafat ilk dəfə 2021-ci ildə təsis edilib və ilk qalibi “Çelsi” olub. Daha sonra “Mançester Siti” iki dəfə müvafiq mükafata layiq görülüb.

Xatırladaq ki, ilin yekunları üzrə mükafatlandırma 9 seçim əsasında təqdim ediləcək:

1. Kişilər arasında “Qızıl top”;
2. Qadınlar arasında “Qızıl top”;
3. 21 yaşa qədər ən yaxşı oyunçu üçün Kopa qəniməti;
4. Ən yaxşı qapıçı üçün Yaşin qəniməti;
5. Ən yaxşı hücumçu üçün Gerd Müller qəniməti;
6. İlin kişi klubu;
7. İlin qadın klubu;
8. İlin kişi məşqçisi;
9. İlin qadın məşqçisi.

Seçimlər üzrə qaliblər oktyabrın 28-də keçiriləcək “Qızıl top” mərasimində açıqlanacaq.