1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Kürdəmir rayonunda baş verən ağır yol-nəqliyyat hadisəsi nəticəsində xəsarət alanlar var.
"Report"un məlumatına görə, hadisə Kürdəmir-Zərdab yolunun rayonun Çöl-Ərəb kəndindən keçən hissəsində qeydə alınıb.
Belə ki, "Mercedes-Benz" markalı minik maşını həmin yolda hərəkətdə olarkən qəfildən idarəetməni itirərək yol kənarındakı su kanalına düşüb.
Qəza zamanı avtomobildə olan sərnişinlər - Xırdalan şəhər sakini, 1978-ci il təvəllüdlü Nəzakət Ziyafət qızı Əsgərova və 1998-ci il təvəllüdlü Ağcabədi rayon sakini Bilqeyis Rüstəm qızı Aslanova müxtəlif dərəcəli bədən xəsarətləri alaraq Kürdəmir Rayon Mərkəzi Xəstəxanasına aparılıblar.
Həkimlər onların vəziyyətini orta ağır qiymətləndirirlər.
Faktla bağlı araşdırma aparılır.
