Üz ləkələrinin təmizlənməsi üçün bir çox təbii bitki və vasitə var.
Musavat.com xarici mediaya istinadən xəbər verir ki, aşağıdakı həm dəriyə təbii parlaqlıq gətirir, həm də ləkələrin yox olmasına kömək edir:
1. Aloe Vera
İstifadəsi: Aloe vera jeli dərinin yenilənməsini dəstəkləyir və iltihabı azaldır. Gecə yatmazdan əvvəl aloe vera gelini üzə çəkmək və səhər ilıq su ilə yumaq ləkələrin açılmasına kömək edə bilər.
2. Sarıkök
İstifadəsi: Sarıkök antioksidant və iltihabəleyhinə xüsusiyyətləri ilə tanınır. Bir çay qaşığı sarıkökü bir az bal və qatıqla qarışdıraraq maska kimi istifadə edə bilərsiniz. 15-20 dəqiqə saxlayıb yuduqdan sonra dəriniz daha parlaq və ləkəsiz görünə bilər.
3. Çay Ağacı Yağı
İstifadəsi: Çay ağacı yağı bakteriya və iltihab əleyhinə xüsusiyyətlərə malikdir. Gecə ləkələrin üzərinə az miqdarda tətbiq edilə bilər, ancaq istifadə etməzdən əvvəl kiçik bir sahədə test etmək və ya seyreltmək məsləhətdir.
4. Limon Suyu
İstifadəsi: Limon suyu təbii ağardıcı xüsusiyyətə malikdir. Bir az su ilə seyreltərək pambıq vasitəsilə üzə çəkilə bilər. Lakin günəş işığında istifadə edilməməlidir, çünki dərini həssas edə bilər. Gecə istifadəsi daha təhlükəsizdir.
5. Yaşıl Çay
İstifadəsi: Yaşıl çayda olan antioksidantlar dərini sakitləşdirir və ləkələrin azalmasına kömək edir. Çayı soyudub üzünüzə sürtə və ya yaşıl çay ekstraktlarından istifadə edə bilərsiniz.
6. Bal
İstifadəsi: Təbii nəm qazandırır və dərini yumşaldır. Balın tərkibindəki enzimlər dərinin yenilənməsinə dəstək olur. Tək başına üzə çəkib 15 dəqiqə saxlayaraq istifadə edə bilərsiniz.
Daimi və yaxşı nəticələr üçün bu bitkiləri müntəzəm istifadə etmək faydalıdır.
Musavat.com
