1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Planetimizin gələcəyini təmin etmək üçün mühüm əhəmiyyət kəsb edən BMT-nin İqlim Dəyişikliyi üzrə Çərçivə Konvensiyasının Tərəfləri Konfransının 29-cu sessiyasının (COP29) açılışı münasibətilə NASA astronavtları Azərbaycana təbriklərini çatdırıblar. Hazırda Beynəlxalq Kosmik Stansiyada olan astronavtlar Sunita Uilyams və Butç Uilmor planetimizi qorumağın həyati əhəmiyyətindən danışıblar.
Oxu.Az-ın verdiyi məlumata görə, bu barədə ABŞ-nin Azərbaycandakı səfirliyinin "X" hesabındakı paylaşımda bildirilib.
Qeyd edilib ki, astronavtlar gələcəyi qorumaq üçün indidən hərəkətə keçmək zərurətini vurğulayıblar.
"Onlar Yer kürəsinin gözəlliyini kosmosdan seyr edərək, bizə gələcəyimizi qorumaq üçün məhz indi hərəkətə keçmək zərurətini bir daha xatırladırlar", - deyə paylaşımda qeyd edilib.
