İran Ali dini lideri Seyid Əli Xamenei Beynəlxalq Cinayət Məhkəməsinin Qəzzada hərbi cinayətlər törətdiyinə görə İsrailin Baş naziri Benyamin Netanyahunun həbsinə dair qərarının kifayət etmədiyini, Netanyahuya verilən hökmün ölüm cəzası olması lazım olduğunu bildirib.
“Netanyahu üçün həbs qərarı verilib, bu kifayət deyil. Onun cəzası ölüm cəzasıdır. Məsul İsrail liderlərinə ölüm hökmü verilməlidir”,- Xamenei deyib.
Mülki əhalinin yaşayış yerlərinin bombalanmasından danışan İran lideri deyib:“Qəzzə və Livanda insanların evlərini bombalamaq qələbə deyil. Axmaqlar insanların evlərini, xəstəxanalarını bombaladıqları üçün qələbə qazandıqlarını düşünməsinlər. Heç kim bunu qələbə kimi görmür. Onların etdikləri müharibə cinayətidir”.
“AzPolitika.info”
