“Neftçi” futbol üzrə Azərbaycan Premyer Liqasının 16-cı turu çərçivəsində keçiriləcək “Sumqayıt”la oyuna itkilərlə çıxacaq.
Arena.az xəbər verir ki, bu barədə paytaxt klubunun mətbuat xidməti məlumat yayıb.
Zədəli Emin Mahmudov bu gün baş tutan oyunöncəsi məşqdə iştirak etməyib, Azər Salahlı isə fərdi çalışıb. Onlardan əlavə, cəzalılar – Yuri Matias və Edvin Kuç da “Sumqayıt”la matçı buraxacaqlar.
Qeyd edək ki, “Sumqayıt” – “Neftçi” oyunu sabah Mehdi Hüseynzadə adına Sumqayıt şəhər stadionunda keçiriləcək. Oyuna saat 18:00-da start veriləcək.
