Kişi voleybolçular arasında Yüksək Liqada II tura yekun vurulub.
AZƏRTAC xəbər verir ki, turun son qarşılaşması “Murov Az Terminal” və “Neftçi” komandaları arasında olub. GİN-in Voleybol Mərkəzində baş tutan görüş “Murov Az Terminal”ın 3:0 hesablı qələbəsi ilə başa çatıb.
Turun əvvəlki matçlarında “Xilasedici” MOİK-i, "Azərreyl" isə "Gənclər" komandasını eyni hesabla üstələyib – 3:0.
Qeyd edək ki, kişi voleybolçuların Yüksək Liqasında növbəti turun oyunları dekabrın 17-18-də keçiriləcək.
