Avropa İttifaqı Şurası Bolqarıstan və Rumıniyanın Şengen Sazişinə qoşulmasını, onların icmaya daxil olmasından 18 il sonra təsdiqləyib.
Yeniavaz.com xəbər verir ki, bu barədə Aİ Şurasının bəyanatında deyilir.
“Aİ Şurası 2025-ci il yanvarın 1-dən Rumıniya və Bolqarıstanın Şengen zonası ilə quru sərhədlərində nəzarətin ləğvini təsdiqləyib”, - sənəddə bildirilib.
Qeyd edək ki, 2024-cü ilin martında Bolqarıstan və Rumıniya hava və su nəqliyyatında pasport nəzarətini ləğv edərək Şengenə qismən daxil oldular.
Bolqarıstan və Rumıniyanın Şengenə qəbulunun təsdiqlənməsi prosesində son sözü Aİ liderləri dekabrın 19-20-də Brüsseldə keçiriləcək Aİ sammitində deməlidirlər, lakin bu, sırf formal xarakter daşıyır, çünki ədliyyə və daxili işlər nazirləri bu qərarı liderlərinin məlumatı ilə Aİ Şurasında təsdiqləyiblər.
