Bakı metrosunda ölüm hadisəsi qeydə alınıb.
Senzor.az bildirir ki, bu barədə KİV-ə qurumun Mətbuat xidmətinin rəisi Bəxtiyar Məmmədov məlumat verib.
Onun sözlərinə görə, hadisə bu gün səhər saatlarında baş verib.
“İş vaxtı bitən, “İnşaatçılar” stansiyasında iş yerini 05:30-da tərk etmiş Bakı metropoliteninin tunel qurğuları üzrə usta köməkçisi Saleh Məmmədov saat 8:50-də “Koroğlu” stansiyasında növbətçiyə yaxınlaşaraq, tibbi yardıma ehtiyacı olduğunu bildirib.
Dərhal ilkin yardım göstərilib, təcili və təxirəsalınmaz tibbi yardım xidməti çağırılıb. Bütün müvafiq tədbirlər görülsə də, Saleh Məmmədov dünyasını dəyişib”, - deyə B.Məmmədov təəssüflə bildirib.
