Bu ilin dekabrın 1-i vəziyyətinə ilkin məlumatlara əsasən, iqtisadi fəal əhalinin sayı 5 milyon 310,2 min nəfər olub ki, onlardan 5 milyon 27,6 min nəfərini məşğul əhali təşkil edib.
Bu barədə Publika.az Dövlət Statistika Komitəsindən məlumat əldə edib.
Məlumata görə, cari il noyabrın 1-i vəziyyətinə muzdla çalışan işçilərin sayı 1 milyon 773,3 min nəfər, o cümlədən, iqtisadiyyatın dövlət sektorunda 881,7 min nəfər, qeyri-dövlət sektorunda isə 891,6 min nəfər təşkil edib.
İqtisadiyyatın neft-qaz sektorunda 31,6 min nəfər, qeyri neft-qaz sektorunda isə 1741,7 min nəfər çalışıb.
