Rusiya Suriyaya humanitar yardım çatdırmaq üçün Rusiyanın Xmeymim aviabazasından istifadə etməyi təklif edib.
Azpost.info xəbər verir ki, bunu Rusiya prezidenti Vladimir Putin bildirib.
“Biz artıq tərəfdaşlarımıza bunu təklif etmişik. Onlar Suriyaya humanitar yardım çatdırmaq üçün Xmeymimdən istifadə etməyi təklif ediblər. Bu, anlayışla və bu işi birgə təşkil etmək istəyi ilə qəbul edildi. Eyni şey Tartusdakı hərbi-dəniz bazasına da aiddir”, – prezident deyib.
Putin qeyd edib ki, Rusiya Suriyadakı vəziyyətə nəzarət edən bütün qruplarla və regionun bütün ölkələri ilə əlaqələr saxlayır.
“Onların böyük əksəriyyəti bizə deyir ki, bizim hərbi bazalarımızın Suriyada qalmasında maraqlı olacaqlar”, – Putin vurğulayıb.
Azpost.info
