Azərbaycan D-8 təşkilatına üzv oldu. Prezident İlham Əliyev bildirib ki, Türkiyənin təşəbbüsü ilə yaradılmış D-8 təşkilatı artıq 30 ilə yaxındır ki, fəaliyyət göstərir və ilk dəfə genişlənmə ilə bağlı qərar qəbul olunub. Təşkilat 15 iyun 1997-ci ildə yaradılıb. Bu üzvlüyün ölkəmiz üçün xeyirli və düşərli olması arzu edilir.
Bu hadisə ilə bağlı Bakı Qeyri-Hökumət Təşkilatlarının Resurs və Təlim Mərkəzi İctimai Birliyinin sədri Rauf Zeyni QHT.az-a verdiyi açıqlamada Azərbaycanın D-8 təşkilatına üzv olmasını yüksək qiymətləndirib:
"Azərbaycanın D-8 üzv olması, yeni bir beynəlxalq təşkilata üzv olması bizim hamımızı sevindirir. D-8 beynəlxalq platformadır və hər hansı beynəlxalq təşkilata üzv olmaq, Azərbaycana göstərilən etimadın və ölkəmizin beynəlxalq nüfuzunun göstəricisidir. Bu, Prezident İlham Əliyevin həyata keçirdiyi milli, bəşəri və mütərəqqi siyasətin nəticəsidir. Son 20 ildə aparılan məqsədyönlü, genişmiqyaslı siyasət Azərbaycanın bütün sahələrdə inkişafını təmin edib və beynəlxalq nüfuzunu artırıb. İstənilən beynəlxalq platformaya üzv olmaq Azərbaycanın növbəti uğurudur. Bu münasibətlə Prezident İlham Əliyevi, xalqımızı və ictimaiyyətimizi təbrik edirəm."
Pərvanə Fərhadqızı
