1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Turan Tovuz" heyətini Rusiyanın "Dinamo Mahaçqala" klubunda çıxış edən Anton Kraçkovski ilə gücləndirir.
Oxu.Az "Championat"a istinadən xəbər verir ki, bölgə təmsilçisi 22 yaşlı futbolçunun keçidi ilə bağlı Mahaçqala klubu ilə razılığa gəlib.
Baş məşqçi Kurban Berdıyevin istəyi ilə transfer edilən rusiyalı oyunçu komandaya icarə əsasında qoşulacaq.
Qeyd edək ki, Anton Kraçkovski "Dinamo Mahaçqala"ya da 2023-cü ildə məhz K.Berdıyevin istəyi ilə Qazaxıstanın "Kayrat" komandasından cəlb edilmişdi. Futbolçu bu mövsüm Rusiya Premyer Liqasında 7 matçda forma geyinib.
