Ukrayna Dünya Bankının inkişaf siyasətinə dəstək proqramı çərçivəsində 1 milyard dollar alıb.
“Report” “RBK Ukrayna”ya istinadən xəbər verir ki, bu barədə Ukraynanın Baş naziri Denis Şmıqal məlumat verib.
Ölkənin Maliyyə Nazirliyinin mətbuat xidmətindən bildirilib ki, Ukraynaya Yaponiya və Böyük Britaniya hökumətlərinin zəmanəti ilə müvafiq olaraq 567 milyon dollar və 483 milyon dollar ayrılıb.
"Cəlb edilmiş vəsait Ukraynada iqtisadi inkişaf potensialının artırılmasına və dövlət büdcəsinin sosial və humanitar xərclərinin maliyyələşdirilməsinə yönəldiləcək", - maliyyə naziri Sergey Marçenko qeyd edib.
