Hakan Fidan Blinkenlə Suriyadakı son vəziyyəti müzakirə etdi

Türkiyə xarici işlər naziri Hakan Fidan ABŞ dövlət katibi Antoni Blinkenlə telefon danışığı aparıb.

Day.Az türk KİV-lərinə istinadən xəbər verir ki, bu barədə Türkiyə Xarici İşlər Nazirliyi məlumat yayıb.

Hakan Fidan telefon danışığı zamanı PKK/YPG terror təşkilatının Suriyaya sığınmasına icazə verilə bilməyəcəyini vurğulayıb.

"Türkiyə XİN rəhbəri həmçinin, Suriyanın yeni rəhbərliyinin ölkənin ərazi bütövlüyü və təhlükəsizliyinin təmin edilməsi istiqamətindəki səylərini dəstəklədiklərini bildirib", - məlumatda qeyd olunub.