1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Yunanıstanın mərkəzində yerləşən qədim Meteora monastır kompleksinin yaxınlığındakı hoteldə yanğın baş verib.
Oxu.Az xəbər verir ki, bu barədə "Associated Press" (AP) məlumat yayıb.
Hadisə nəticəsində 1 nəfər - hotelin sahibi həlak olub.
Bundan başqa, 11 nəfər xəsarət alıb, üçmərtəbəli hotelə ciddi ziyan dəyib. Xilasedicilər 26 nəfəri təxliyə ediblər.
Bildirilir ki, eyvandan qaçmağa çalışan 55 yaşlı hotel sahibi yanğınsöndürənlər gələnə qədər yıxılaraq aldığı xəsarətlərdən dünyasını dəyişib.
Zərərçəkənlər arasında dörd uşaq da olub. Yanğının səbəbi hələ müəyyən edilməyib.
