Suriyadakı proseslər Türkiyə Silahlı Qüvvələri tərəfindən də yaxından izlənilir.
Türkiyə Milli Müdafiə Nazirliyi tərəfindən həftəlik mətbuat brifinqi keçirilib.
Bildirilib ki, 13 illik vətəndaş müharibəsindən sonra tarixi bir dövr keçirən Suriyada mövcud vəziyyət və inkişaflar yeni rəhbərliklə əməkdaşlıq və koordinasiya ilə yaxından izlənilir.
Açıqlamada “DEAŞ və PKK/PYD/YPG/SDG başda olmaqla hər hansı addan asılı olmayaraq ölkəmizin və Suriyanın mövcudluğuna qəsd edən terror təşkilatlarına qarşı mübarizədə qərarlı olduğumuzu, bu günə qədər terror təşkilatlarına qarşı qabaqlayıcı və dağıdıcı tədbirlər görməyə davam edəcəyimizi bir daha vurğulayırıq" deyilib.
Açıqlamada Orta Şərqdə təhlükəsizlik və sabitliyə təhdid yaradan İsrailin qanunsuz hücum və işğallarını davam etdirdiyi vurğulanaraq, “İsrailin Qəzzada indiyə qədər törətdiyi soyqırımı, ilhaq cəhdləri İordan çayının qərb sahili və onun Suriya və Yəmənə hücumları, İsrail rəsmilərinin Əqsa məscidinə qarşı təxribatçı hərəkətlərinə qarşı beynəlxalq ictimaiyyətin susqunluğuna son qoymasını gözləyirik. Arzumuz budur ki, beynəlxalq ictimaiyyət yeni ildə; Fələstin xalqının insan kimi bir həyat sürməsini təmin etmək, bölgədə sülh və əmin-amanlığın təmin edilməsi üçün üzərimizə düşəni etməkdir" deyilib.
