Milli Məclisin deputatı Asif Əsgərov Zaqatala rayon Yuxarı Tala kəndində növbəti vətəndaş qəbulu keçirib.
"Unikal" xəbər verir ki, deputat görüş zamanı vətəndaşların çoxsaylı müraciətlərini dinləyib. Bəzi məsələlər yerində həllini tapıb. Vətəndaşlar tərəfindən edilən müraciətlərdən Milli Məclisin deputatının səlahiyyətləri çərçivəsində həlli mümkün məsələlərin yerində obyektiv araşdırılması və operativ həlli ilə bağlı aidiyyəti üzrə tapşırıq və tövsiyyələr verilib. Eyni zamanda aztəminatlı ailələrə maddi yardım göstərilib.
Daha sonra kənd ərazisində yerləşən “Pərzivan” çay üzərində yararsız vəziyyətdə olan körpüyə baxış keçirilib, körpünün yenidən qurulması üçün məsələnin müzakirə olunacağı barədə vətəndaşlara bildirilib.
Bundan başqa deputat Zaqatala rayon Qımır kənd şəhidi İsrafilov Abdurahman İsrafil oğlunun yaşadığı evi ziyarət edib, ailə üzvləri ilə görüşüb və ailəyə maddi yardım göstərilib.
Qəbul zamanı Zaqatala sakinləri Ulu öndər Heydər Əliyevin siyasi xəttini hər zaman bəyənərək dəstəklədiklərini qeyd etdilər.
Eyni zamanda qaldırılan problemlərin həlli üçün göstərilən diqqətə və qayğıya görə Ulu Öndərin siyasətini uğurla davam etdirən cənab Prezident Ilham Əliyevə və Azərbaycanın Birinci vitse-prezidenti çox hörmətli Mehriban xanım Əliyevaya Vətənimizin daha gözəl və qüdrətli olması, insanlarımızın daha xoşbəxt və firavan yaşaması ücün, onların gərgin və yorulmaz birgə fəaliyyətində hər zaman can sağlığı, böyük uğurlar və yeni-yeni qələbələr arzuladılar. Bir daha zaqatalalılara göstərilən münasibətə görə dərin təşəkkürlərini bildirdilər.
