Ukrayna Rusiyanın Kursk vilayətində yeni hücuma başlayıb

Sherg.az xəbər verir ki, Rusiya Müdafiə Nazirliyinin açıqlamasına görə, Ukraynanın hücum qrupları ilə mübarizə davam edir. Nazirlikdən bildirilib ki, Moskva vaxtı ilə səhər saat 9 radələrində Rusiya qoşunlarının Kursk istiqamətində irəliləyişinə mane olmaq üçün Ukrayna tanklar, əks-maneə maşını və 12 zirehli döyüş texnikası ilə əks-hücuma keçib. Ukrayna Prezident Administrasiyasının rəhbəri Andriy Yermak, Kursk vilayəti ilə bağlı "xoş xəbərlər" olduğunu bildirib. Onun sözlərinə görə, Rusiya "layiq olduğu cəzanı alır". Ukraynanın dezinformasiya ilə mübarizə üzrə rəsmisi Andriy Kovalenko isə Kurskda Rusiyanın bir neçə istiqamətdən hücuma məruz qaldığını və bunun onların gözləmədiyi vəziyyət olduğunu bildirib.

Hücumun bölgədə əhəmiyyətli strateji dəyişikliklərə səbəb olub-olmadığı hələlik məlum deyil. Əvvəlki hadisələr Ukrayna ilk dəfə ötən ilin avqustunda Kursk vilayətində əməliyyat keçirib. Həmin vaxt sərhədi keçən Ukrayna qoşunları Rusiyanın 1200 kvadrat kilometrdən çox ərazisini ələ keçirib. Rusiya isə bu ərazilərin bir hissəsini geri qaytarsa da, Ukraynanın bölgədə mövqeləri qalır. Son aylarda Rusiya qüvvələri Ukraynanın şərqində irəliləyərək mövqelərini gücləndirib. Lakin bölgədə Ukrayna tərəfindən yeni əks-hücumlar müşahidə edilir.

Son hava hücumları

Rusiya bir gecədə Ukraynaya pilotsuz təyyarələrlə hücum təşkil edib. Ukrayna Hərbi Hava Qüvvələri Kiyev, Poltava, Sumi, Xarkov və digər vilayətlər üzərində 61 pilotsuz təyyarəni vurduğunu açıqlayıb. Xarkovda isə pilotsuz təyyarənin zərbəsi nəticəsində bir neçə evə ziyan dəyib. Kursk vilayətindəki qarşıdurmalar və Ukraynanın hücumları bölgədə gərginliyin davam etdiyini göstərir.