Yanvarın 6-da Pakistanın cənub-qərbindəki Turbat şəhərində əldəqayırma partlayıcı qurğunun partlaması nəticəsində 1 nəfər ölüb, 35 nəfər yaralanıb. SİA xəbər verir ki, bu barədə AP məlumat yayıb. Bildirilib ki, hadisə yerindən çəkilmiş kadrlarda partlayış baş verməmişdən əvvəl avtomobillərin şəhər ətrafında hərəkət etdiyi və bir avtomobilin alovlar içində qaldığı görünür. Xəsarət alanlardan 8-nin vəziyyəti ağır, qalanlarının vəziyyəti isə stabildir. Onların əksəriyyəti hərbçilərdir. Qeyd edilib ki, cihaz yolun kənarında dayanmış avtomobildə olub və uzaqdan işə salınıb. Bəlucistan Baş Naziri Sərfraz Buqti hücumu pisləyib.
