“Apple”-ın bu il ilk qatlana bilən “iPhone”-unu təqdim edəcəyi gözlənilirdi. Bu hələ baş verməyib, lakin şirkətin belə bir planı olduğuna dair sübutlar ortaya çıxmağa davam edir. “Apple” əvvəllər heç vaxt qatlana bilən smartfon buraxmayıb və bunun nə vaxtsa baş verib-verməyəcəyi bəlli deyil.
Lakin “Samsung Display”, “həmyerlisi” “LG Display” kimi, xüsusi olaraq “Apple”-a yönəldilən 20 düymlük qatlanan panellər hazırlayır.
SİA-nın əldə etdiyi məlumata görə, bu il “Samsung Display” qatlana bilən ekran istehsal imkanlarını gücləndirib. Koreyanın “The Elec” nəşri mənbələrə istinadən yazır ki, bu, “Apple”ın yerləşdiyi “Kupertinodan gələn tələbi ödəmək” üçün edilib.
Qeyd edilir ki, “iPhone” istehsalçısı “Samsung Display”-in ən mühüm OLED panel müştərisidir. “Samsung Display” həm də ana şirkəti “Samsung Electronics” üçün qatlana bilən OLED panellərin eksklüziv təchizatçısıdır.
“Mashable” qeyd edir ki, qatlanan ekranlı smartfonlara maraq artmaqda davam edir və onlar getdikcə daha çox eksperimental modellər kimi daha az, daha çox uyğun bazar seqmenti kimi qəbul edilir, ona görə də bu sahə həqiqətən də “Apple” üçün maraqlı ola bilər.
Samsung onların istehsalında artıq müəyyən uğurlar əldə edib. Onun “Z Flip” və “Z Fold” smartfonlarının hər birində artıq beş model var.
Nazlı
