Ukrayna Silahlı Qüvvələri (USQ) üçün ən gərgin vəziyyət Kupyanski (Xarkov vilayəti) və Kuraxovski (DXR) istiqamətlərində davam edir.
Tezadlar.az xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.
“Kupyansk istiqamətində vəziyyət gərgindir, artıq 7 hərbi toqquşma baş verib. Kuraxovsk istiqamətində də vəziyyət bir qədər gərgindir”, - Baş Qərargahın Telegram kanalında dərc olunan xülasədə deyilir.
İyunun 5-də Ukrayna Silahlı Qüvvələrinin baş komandanı Aleksandr Sırski Pokrovski, Kuraxovski, Kupyanski və Xarkov istiqamətlərində vəziyyəti Ukrayna qoşunları üçün çətin adlandırıb.
Rusiya Müdafiə Nazirliyi bundan əvvəl Xarkov vilayətində bir sıra yaşayış məntəqələrinin azad edildiyini və düşmən müdafiəsinin dərinliklərinə irəliləyişin davam etdiyini bildirmişdi. Vilayətin hərbi-mülki administrasiyasının rəhbəri Vitali Qançev mayın 22-də jurnalistlərə bildirib ki, Rusiya Silahlı Qüvvələri Xarkov vilayətində 49 yaşayış məntəqəsini, o cümlədən Kupyanski rayonunda 36, vilayətin şimal hissəsində isə 13 yaşayış məntəqəsini azad edib.
E.ŞİRİNOV
