Azərbaycanın 18 yaşadək oğlanlardan ibarət basketbol millisi Avropa çempionatının C divizionunda növbəti oyununu keçirib.
QOL.az xəbər verir ki, Anar Sarıyevin baş məşqçisi olduğu yığma Albaniyanın Elbasan şəhərində keçirilən turnirin yarımfinal mərhələsində ev sahibləri ilə üz-üzə gəlib.
Rəqibini 62:41 hesabı ilə üstələyən komandamız finala yüksəlib.
U-18 həlledici görüşdə Lüksemburq - Ermənistan duelinin qalibi ilə qarşılaşacaq.
Xatırladaq ki, Azərbaycanın 18 yaşadək qızlardan ibarət basketbol millisi də Avropa çempionatının finalına yüksəlib.
