7-ci çağırış Azərbaycan Respublikasının Milli Məclisinə keçirilən seçkilərin təbliğat-təşviqat mərhələsi bu gündən başlanır.
İlk növbədə, qlobal təhlükəsizlik və regional geosiyasi təhlükələrin yaratdığı risqləri gündəlik rejimdə izləyən dünya və Azərbaycan insanı üçün ölkədaxili siyasi münasibətlər sistemində başlıca rəhbər prinsip dünya və yerləşdiyin bölgədə getdikcə artan hərbi toqquşmaların, coğrafiyası böyüyən dağıdıcı müharibələrin mənfi təsirindən qorunmaq, milli və vətəndaş həmrəyliyini təmin etməkdir.
Hakimiyyət uğrunda istənilən siyasi mübarizə məhz bu prinsipi əldə əsas götürməlidir.
Azərbaycanın müstəqilik tarixində formalaşan ilk Parlament hələ təməlləri yenicə atılan milli dövlətçiliyi kökündən sarsıdan, silahlı hərbi birləşmələrin, separatçı qüvvələrin, iqtisadi mənafe qruplarının, o cümlədən etnik qarşıdurmlara rəvac verən aşırı ideoloji-siyasi baxışların toqquşduğu bir məkan idi. 1990-cı ildən ötən 34 il ərzində keçilən yol tələb edir ki, 2024-cü ildə qanunverici hakimiyyyətin qurulması, Parlamentin gələcək obrazı ən ümdə prinsipi Vətən müharibəsində parlaq Qələbəmizi qoruyub saxlamaq və onu xarici təhlükələrdən hifz etməkdir. Ona görə də hazırda bütün partiya, hərəkat və fərqli sosial qrupların bir-biriylə uzlaşmayan istək və tələbələri məhz təhlükəsiz Azərbaycan idealında birləşir, hamının mənafelərinə cavab verir.
Torpaqlarımızın işğalına səbəb olan və bütün partiyaların siyasi meydana gəlməsinin əsasına çevrilən itirilmiş Qarabağ səhifəsinin qapandığı və bütövlük, qalibiyyət əsrinin başlandığı 2024-cü ildə Zəfər Parlamanti ideyası ilə çıxış edən müstəqil namizəd Zahid Oruc seçki mübarizəsinə, “parçalanmalara və daxili toqquşmalara yol verməyən, yalnız xalqın maraqlarına söykənən və konkret ərazidə yaşayan əhalinin ümdə arzularını yerinə yetirən taleyüklü mərhələ” kimi dəyərləndirir.
Seçki Platformasını Xüsusi buraxılışla seçicilərə çatdırmaq üçün qanunvericiliklə müəyyənləşmiş yerlərdə görüşləri və birbaşa təmasları əsasında namizədin gələcək təsilçisi olmağa çalışdığı Xətai rayonunda 8 noyabr Qələbəsindən sonra prezident, Ali Baş Komandan İlham Əliyev tərəfindən verilən qərarla bir vaxtlar Xocalı abidəsi ətrafında səfərbər olunan bir millətin 44 günlük müqəddəs müharibənin qəhrəmanlığının əbədiləşdirildiyi, simvollaşdırıldığı tarixi bir ünvana çevrilməsi hər vətəndaş, o cümlədən xalq təmsilçilərindən ötrü bir nömrəli ehtiram və ziyarət ünvanı olmalıdır.
Prezident İlham Əliyevin 3 dekabr 2020-ci il tarixli sərəncamı ilə Azərbaycan xalqının Vətən müharibəsində göstərdiyi misilsiz qəhrəmanlığın və qazandığı möhtəşəm tarixi zəfərin nümayiş etdirilməsi, şəhidlərimizin əziz xatirəsinin əbədiləşdirilməsi məqsədilə Bakı şəhərində yaradılan abidə-kompleksi qarşısında bir qrup xətaili gənc və siyasi həmfikirlə toplaşaraq, əsas siyasi idalını və proqramını növbəti dəfə seçicilərə nümayiş etdirən Zahid Oruc xüsusilə yeni nəslə güvəncini və inamını ifadə etdi.
Qələbəmizi qanı və canı ilə qazanan gəncliyin indi qalib dövlətdən gözləntilərinin daha da artdığını hakimiyyət oqranları üçün mühüm çağırış adlandıran namizəd çoxsərlik savaşın millətiizin xeyrinə həll olunduğu kimi, bütün daxili problemləri də çözməyə qadir olduğumuzu qətiyyətlə söylədi.
Müxtəlif ali məktəbləri və peşələri təmsil edən, hazırda əmək fəaliyyətlərini fərqli sahələrdə davam etdirən gənclər namizədlə fərdi görüşdən məmnuniyyətlərini ifadə etdilər, arzu və istəklərini, daimi əməkdaşlıq platformaları və birgə çalışmaların yollarını dilə gətirdilər.
Xətai rayonun həyatında baş verən inkişaf və dəyişiklikləri qürurla qeyd edən görüş iştirikaçıları, eyni zamanda, karyera quruculuğu, müxtəlif dövlət xidmətlərindən faydalanmaq üçün qarşılaşdıqları maneələr, işsilzik problemləri, şəhər infrastukrurunun yenilənməsi zamanı mülkiyyət hüquqlarının qorunmasının vacibliyi, şəhid ailələri və qazilər dövlət protokolunda birinci sırada nəzərə alınması və digər mühüm təkliflərini irəli sürdülər.
Qaldırılan əksər məsələrə dair müvafiq cavablar verildi, gələcək vəzəfilərin və öhədiliklərin sırasında onların xüsusi yer tutacağına əminlik ifadə olundu.
31 saylı Xətai birinci seçki dairəsindən namizəd Zahid Orucun Seçki Qərargahı
Editor.az
