AzEdu.az Təhsil Portalı “Tarixdə bu gün” rubrikasına davam edir.
4 sentyabr tarixində baş vermiş əhəmiyyətli, maraqlı hadisələrə nəzər salaq.
4 Sentyabr Ümumdünya Leykemiya ilə Mübarizə Günüdür:
Leykemiya sümük iliyi xərçənginə aid olub, leykosit adlanan ağ qan hüceyrələrinin artması və ya azalması ilə xarakterizə olunur.
Leykemiyaya hər yaşda təsadüf olunur. Ən çox 2-5 yaş arasında olan uşaqlarda müşahidə edilir.
Uşaq yaşlı leykemiya xəstələrində beynəlxalq kimyəvi terapiya protokolları ilə müalicədən sonra 85% uğurlu nəticə əldə olunur. Müalicəyə cavab alına bilməyən və bəzi istisna hallarda sümük iliyi transplantasiyasina ehtiyac duyulur.
4 sentyabr 1998-ci ildə "Google" şirkətinin əsası qoyulub:
“Google”un tarixi 1996-cı ilin yanvarından başlayır. Həmin il Kaliforniyadakı Stenford Universitetinin doktoranturasında təhsil alan tələbələr Larry Page və Sergey Brin tərəfindən tədqiqat layihəsi çərçivəsində axtarış saytı hazırlanıb.
4 sentyabr 1992-ci ildə Azərbaycan baş leytenantı,Milli Qəhrəman Fəxrəddin Nəcəfov şəhid olub.
4 sentyabr 2003-cü ildə Xalq yazıçısı, ədəbiyyatşünas, ictimai xadim Əzizə Cəfərzadə vəfat edib:
Əzizə xanım tarixi mövzuda yazılmış bir sıra əsərlərin müəllifidir.
