.jpg)
Azərbaycanda son 30-40 ilin ən soyuq qışı gözlənilir.
Bu barədə Xəzər TV-yə AMEA-nın Coğrafiya İnstitutunun şöbə müdiri Ənvər Əliyev deyib.
Onun sözlərinə görə, ötən əsrin 70-ci illərinə qədər qış daha sərt keçirdi. Bu isə periodik hadisə hesab olunur.
Bu səbəbdən də yenidən kəskin soyuğa və yağıntıya hazır olmaq lazımdır. Yağıntının bol olması nəticəsində Xəzər dənizində də suyun artacağı, sahillərinin yenidən öz yerinə qayıdacağı gözlənilir.
Ə.Əliyev bildirib ki, ötən il ölkənin bəzi ərazilərinə yağıntının miqdarı 40 faiz artıq düşüb. Bu il də kifayət qədər bol yağıntı olub:
“Proqnozlaşdırılan soyuq və bol yağıntılı qış Azərbaycanda bir sıra problemləri həll edə biləcək. Elə ona görə də bu, arzuolunandır”.
