Hər il, xüsusilə Yeni il və digər böyük bayramlarda süfrələrdən əksik olmayan Olivye salatı (digər adı paytaxt salatı) salat, sadə, lakin bir o qədər də dadlı və qidalıdır. 

Qlobal.net bildirir ki, əslində, Olivye salatı yalnız Azərbaycanda deyil, bütün post-sovet məkanında məşhurdur. Onun adı, məşhur aşpaz Lucien Olivyedən götürülmüşdür. 

Bu salat, təkcə dadlı deyil, həm də çoxlu müxtəlif ləzzətlərin birləşməsini təmin edərək, hər bir qonaq və ailə üzvü üçün mükəmməl bir seçimdir. Gəlin, Olivye salatının tərkibinə və bu klassik yeməyin necə hazırlanmasına daha yaxından nəzər salaq:

Kartof, yerkökü, mal əti və yumurta bişirilir. Kartof və yerkökünün qabığı təmizlənir. Yumurta soyulub ağı və sarısı kəsilib ayrılır. Kartof, yerkökü, mal əti və yumurtanın ağı xırda-xırda doğranır, yumurtanın sarısı isə iki əl arasında ovulur.duzlu xiyar xırda-xırda doğranıb süzgəcə yığılır ki, duzlu suyu çıxsın. Əks halda salat su salar. Cəfəri, şüyüd və göy soğan xırda doğranır, göy noxudun da suyu süzülür və bütün ərzaq birlikdə qarışdırılır, zövqə görə duz və istiot vurulur. Mayonez və ya xamaya bitki yağı əlavə edilir, qarışdırılır.

Fidan
Qlobal.net